Orioko Udalak ireki du kirol arloko urteroko diru-laguntzak eskatzeko epea, eta maiatzak 11n itxiko dute horretarako denbora tartea. Udalaren hitzetan, diru-laguntzen helburua da "Orioko herrian ariketa fisikoarekin eta kirolarekin zerikusia duten irabazi asmorik gabeko jarduerak bideratzen laguntzea eta sustatzea".
Horregatik, deialdia "herriko irabazi asmorik gabeko kirol-elkarteei edo kirol-entitateei" zuzendutakoa dela azaldu dute. 2022an edota 2021-2022 denboraldian beren egiturak garatzeko eta jarduera eta egitasmoak burutzeko eskatu dezakete laguntza elkarteek.
Eskaerak, zuriketak eta bestelako komunikazioak elektronikoki egingo beharko dira udalaren webgunean, erregistro elektronikoa erabiliz. Tramitea elektronikoki egiteko, gainera, ezinbestekoa izango da ziurtagiri digitala edukitzea.
Deialdia eta bete behar diren dokumentuen ereduak orrialde honetan daude, interesatuek kontsultatzeko eta deskargatzeko. Edozein zalantza izanez gero, udaleko kirol teknikariarekin jarri behar da harremanetan (679 41 77 64 / kirola@orio.eus).