Pandemiagatik albo batera utzitako jarduerei berrekiten hasiak dira herriko jubilatuak eta pentsiodunak. Horren adibide, hilaren 26rako Donostiara eskurtsioa antolatu duela Zaharren Babeslekuak. Honakoa litzateke plana: goizean Aquariumera bisita, gero denbora librea, eta 14:00etan bazkaria Monte Igeldo hoteleko jatetxean.
Eskurtsiora joan nahi dutenek txartelak apirilaren 19an erosi beharko dituzte, 16:30etik 18:00etara, Zaharren Babeslekuan, 40 euro ordainduta. Bi ohar eman dituzte antolatzaileek: lehendabizikoa, autobuseko lekuak zozketa bidez adjudikatuko dituztela; eta bigarrena, txartelak esandako lekuan eta orduan bakarrik salduko dituztela.