Izena eman daiteke Aian jokatuko den emakumezkoen harri jasotze txapelketan

Ekainaren 5ean, igandearekin, Emakumezkoen Lau arroako Harri-jasotze Txapelketa jokatuko da Aian. Udalak plazaratu duenez, dagoeneko ireki dute izena emateko epea, eta apirilaren 22a izango da horretarako azken eguna. Interesatuek, Gipuzkoako Herri Kirol Federaziora jo behar dute inskripzioa egiteko (688 692 879 edo herrikirolak@kirolak.net).