Joan den asteburuan jokatu zuen Orioko Bate Bizkorrak taldeak bigarren jardunaldia, bai ederki jokatu ere. Valentziako Antorcha taldearen aurka jokatu zuten etxean. Azken minutuetara arte lehia estua izan zen, eta azken minutuetan lortu zuten oriotarrek aurkariak mendean hartzea.
Lehenengo zatian Rakel Ibañezek egin zuen sarrera, eta hari esker lortu zuten etxekoek denboraldi honetako lehen home run-a. Bi taldeen puntuak batuta, 7-9 jarri zuten markagailua lehen zatiaren amaieran, baina azken minutuetan lortu zuten etxekoek 10-9 egitea.
Oriotarrek bigarren zatian ere aurretik mantentzea lortu zuten, eta abantaila horri eutsi zioten bukaerara arte, valentziarrek zailtasunak jarri arren. Maialen Pisonen lana aipatzeakoa da, bost hit lortu baitzituen gutzira. Amaia Larraza jaurtitzaileak ere lan bikaina egin zuen, 12 stirke out eskuratuta.
Hurrengo jardunaldian Bartzelonan izango da OBB, CBS Barcelona taldearen aurka lehiatzeko. Aurten mailaz igo dira kataluniarrak, beraz, oriotarrek lan bikaina egin beharko dute hirugarren postuari eusteko.