Orioko hamar ontzik parte hartu dute Donibane Ziburuko batel estropadan

Aitziber Arzallus

Aurreko postuetan ibili diren arren, ez dute garaipenik erdietsi Orioko arraunlariek. Gaur Getarian jokatzekoak ziren batel estropada, berriz, bertan behera utzi dute, haize handiegiagatik.

Gipuzkoako Batek Ligako bederatzigarren jardunaldia Donibane Ziburun jokatu zuten atzo arratsaldean, eta Orio Arraunketa Elkarteak bost kategoriatan parte hartu zuen, hamar ontzirekin. Parte hartutako kategoria guztietan hiru azkarrenen artean bukatu zuten oriotarrek, baina garaipenik gabe etxeratu behar izan zuten atzokoan.

Infantil mutilek hirugarren egin zuten; infantil neskek hirugarren eta hamaikagarren; promesa mutilek, bigarren, zazpigarren, hamargarren eta hamaikagarren; promesa neskek, hirugarren eta zazpigarren; eta absolutu mailako mutilek, hirugarren.

Gaur goizean Getarian jokatzekoak ziren batel estropada, berriz, bertan behera utzi dute, haize handiegiagatik.

Gaurko ametsak biharko albiste izan daitezen, beharrezkoa dugu zure babesa.


Egin bazkide