Eskualdeko udalek eta ikastetxeek osatzen duten Hezkidetza Foroaren proposamenez, Gu ere martxoak 8 banderolak banatu ziren Orion aurrenekoz 2020an. Orduan bezala, aurten ere, banderolak balkoietan jartzeko eta martxoaren 8ko aldarrikapenarekin bat egiteko gonbita egin die udalak herritarrei.
Banderolak ostiral arratsaldetan jaso ahal izango dira Ahalduntze Eskolan, eta kultur etxean eta gizarte-zerbitzuetan ere izango dira eskuragai, euro baten truke. Banderola horien bidez, "berdintasuna lortzeko egiteko dagoen bidea" gogora ekarri nahi da, eta "aurrera egiteko ezinbestekoa den konpromisoari" ere egin nahi diote azpimarra.