Kaosa eta Lentejak jaialdiaren seigarren edizioa ospatuko dute gaur Etxeluze gaztetxean. 12:00etan ekingo diote egitarauari, dilista txapleketarekin. Ondoren, herri bazkaria egingo dute. Eta 18:00etatik aurrera, kontzertuak izango dira. 11 talde igoko dira oholtza gainera: Holy Nuns, Sons of Decav, Maldiçao, Reclusion, Karne de Bakunin, Dystopian Omen, Moshaholics, Larba, Motorastola, Incendio eta Dizerdit.
Lenteja txapelketan parte hartu nahi dutenek, 12:00etarako gaztetxera azaldu beharko dute, aurrez izena eman beharrik gabe. Lentejak, gatza eta olioa antolatzaileek jarriko dituzte; eltzea eta barazkiak, aldiz, norberak eraman beharko ditu. Baldintza bakarra izango da barazkidun dilistak prestatu beharko dituztela, haragirik nahastu gabe.
Antolatzaileek eskatu dute txapela jantzita azaltzeko gaztetxera, ohitura hori delako.