Abenduaren 27an, 18:00etatik aurrera, Zaborra antzezlanaz gozatzeko aukera izango dute haur eta helduek kultur etxean. Jolas eta abestien bidez, ingurumenari lotutako gaiak aztertuko dituzte ikuskizunean.
Katiuska ta Katilu "hezkuntza-bizia eta arte plastiko eta eszenikoak" oinarri dituen taldea da. "Bakerako hezkuntza" lantzen saiatzen dira, "ikuspegi ekologista batetik, balioak erdigunean dituen genero-ikuspegiaren bidez eta egungo behar ekosozialetara egokitzeko giltzak" eskaintzen dituzte.
Hain zuzen ere, Orion egingo duten antzezlanaren helburua da, jolas dibertigarrien bidez, "sortzen dugun hondakin kopuruaren inguruko hausnarketa eragitea, eta egungo sistemaren ondorio ekologiko eta ekonomikoak azaleratzea". 45 minutuko saioa da, familia osoarentzat.
Gonbidapenak dagoeneko eskuragarri daude kultur etxean.