Herritar talde batek arropa bilketa antolatu du larunbat goizerako. Neguko arropa eta kirolerako arropa eskatu dute, batez ere, gizonezkoentzakoa: galtzerdiak eta galtzontziloak; malla eta kamiseta termikoak; eskularruak, bufandak eta txanoak; berokiak eta euritakoak; oinetakoak (40-43); kirolerako arropa; futboleko botak; eta galtzak. Horiez gain, mantak eta lozakuak eta funtzionatzen duten sakelako telefonoak behar dituztela ere jakinarazi dute.
Bilketa larunbat goizean egingo dute, 10:00etatik 14:00etara, herriko plazan, eta etxean alferrik daukaten arropa hara eramateko eskatu diete gainontzeko herritarrei. Jasotzen duten material guztia SOS Arrazakeria elkarteari emango diote, hark erabil dezan kalean bizi den jendeari laguntzeko.