Ordutegia aldatuko du Orioko Ahalduntze Eskolak ostiral honetan, hilak 10. Izan ere, Urola Kostako Mugimendu Feministak manifestazioa antolatu du Zarautzen 18:30ean, Zarautzen izan den azken erasoa salatzeaz gain, eskualdean azken boladan izan diren gainerako erasoen aurrean aski dela esateko.
Hainbat eragilek egin dute bat protestarekin, eta zerrenda horretara gehitu da Ahalduntze Eskola. Manifestazioan parte hartzera animatu ditu oriotarrak, eta jakinarazi du egun horretan 16:00etatik 18:00etara egongo dela zabalik zerbitzu hori, 19:00ak arte beharrean –Kultur Etxean, lehenengo solairuan kokatuta dago bulegoa–.