Orioko Gizarte Ongizate Batzordeak, Orioko Esperientzia Eskolaren laguntzarekin, hitzaldi bat antolatu du ostiral honetarako, irailaren 17rako. Saioa Garmendia astigartarra arituko da hizlari moduan Zaintzailea zainduz izeneko saioan; udalaren esanetan, zaintza-lanetan jarduten duten langileen eta haien eginkizunaren inguruan hitz egingo du Garmendiak.
Arraunetxen izango da hitzaldia, 18:30ean hasita.