Atzo Hondarribiak eman bazuen erakustaldia Bilbon erlojuaren aurkakoan, gaur Santurtzik gauza bera egin du etxean jokatutako estropadan. 11 segundoko aldea atera dio bigarren eta hirugarren egin duten Hondarribia eta Donostiarrari, eta hamaseikoa, laugarren izan den Oriori.
Ozta-ozta eutsi dio Oriok laugarren postu horri, ehuneneko batzuen aldea egon baita Urdaibairen eta bien artean. Ez dute zuzeneko lehia eduki, bigarren txandan lehiatu dira bizkaitarrak, eta ohorezkoan, berriz, Orio-Orialki.
Hamar estropada falta dira oraindik liga amaitzeko, baina asteburu honetan bai Santurtzik, bai Hondarribiak, erakutsi dute indartsu daudela, eta sailkapen orokorrean ere pauso bat gehiago eman dute.
Orio laugarren da 86 punturekin, eta gertu ditu goian Zierbena nahiz behean Donostiarra, biak bi puntutara.
Sailkapen orokorra
| 1 | SANTURTZI | 106 |
|---|---|---|
| 2 | GO FIT HONDARRIBIA | 101 |
| 3 | ZIERBENA BAHIAS DE BIZKAIA | 88 |
| 4 | ORIO ORIALKI | 86 |
| 5 | DONOSTIARRA AMENABAR | 84 |
| 6 | BERMEO URDAIBAI AVIA | 77 |
| 7 | ONDARROA CIKAUTXO | 56 |
| 8 | CR CABO DA CRUZ | 56 |
| 9 | ARES | 46 |
| 10 | LEKITTARRA ELECNOR | 43 |
| 11 | SD TIRAN PEREIRA | 33 |
| 12 | ZARAUTZ GESALAGA-OKELAN | 26 |
Gaurko sailkapena
| 1 | SANTURTZI | 19:32,72 | |
| 2 | GO FIT HONDARRIBIA | 19:43,96 | |
| 3 | DONOSTIARRA AMENABAR | 19:44,52 | |
| 4 | ORIO ORIALKI | 19:49,36 | |
| 5 | BERMEO URDAIBAI | 19:49,84 | |
| 6 | ARES | 19:57,76 | |
| 7 | ONDARROA CIKAUTXO | 20:01,40 | |
| 8 | ZIERBENA BAHIAS DE BIZKAIA | 20:03,34 | |
| 9 | CABO DA CRUZ | 20:05,48 | |
| 10 | TIRAN PEREIRA | 20:18,06 | |
| 11 | ZARAUTZ GESALAGA-OKELAN | 20:24,24 |
