Estropada oso garrantzitsua zen gaur Euskotren ligakoa. Izan ere, gaurkoaren ondoren, bi estropada bakarrik faltako dira liga amaitzeko; abuztu erdian Zarautzen jokatuko diren bi banderak, hain zuzen. Orio sailkapen nagusian Arraun Lagunak taldeagandik puntu bakarrera zen; 28 eta 29 puntu zituzten gaurko lanak hasi aurretik.
Gainera, gaurkoan 500 metro gehiago egin behar izan dituzte emakumezkoek Santurtziko itsasadarrean. Hala, ziaboga bakarra egin beharrean, hiru egin dituzte.
Horregatik, dena ematera atera dira gaur ere oriotarrak. Aurreneko metroetan aurretik atera dira, eta aurreneko ziabogan ere azkarrenak izan dira, Arraun Lagunaki segundo pare bat aterata. Bigarren ziabogan, ordea, Arraun Lagunak aurreratu da, eta hiru segundoko errentarekin jarri dira donostiarrak.
Ez dute alde hori gutxitu, eta azken ziabogan ere lan ona eginda, Oriori bost segundoko aldea atera diote. Donostiarra gerturatu egin da, gainera, Orioren denborara, eta bigarren posturako lehian egin dituzte azken metroak. Orio sailkatu da bigarren, azkenean.
Hondarribia oso atzean, 28 segundora helmugaratu da.
SAILKAPEN NAGUSIA
| 1 | DONOSTIA ARRAUN LAGUNAK | 33 |
|---|---|---|
| 2 | ORIO ORIALKI | 31 |
| 3 | DONOSTIARRA LACTURALE | 21 |
| 4 | HONDARRIBIA BERTAKO IGOGAILUAK | 15 |
