Berezia izan da Harribil dantza taldeak bart egindako dantza emanaldia. San Joan bezpera ospatzeko aitzakiarekin, sorginak dantzan aritu ziren frontoian, 160 herritar ingururen aurrean. Emozio handiko gaua izan zen atzokoa dantzarientzat eta publikoarentzat, osasun krisiagatik urtebete desagertuta egin eta gero, sorginek festa egiteko aukera izan zutelako berriro. Algara, txistu eta txaloen faltarik ez zen izan.