Orioko Udala herriko eraikinen irisgarritasuna hobetzeko helburuarekin lanean ari da, eta horren harira, kiroldegian ate automatikoa jarri dute aste honetan. Aurrerantzean, sartu-irtenak erosoagoak izango dira mugikortasun-arazoak dituztenentzat, haur-kotxeekin ibilitzen direnentzat eta, oro har, herritar guztientzat. Udalak azaldu duenez, ate automatikoa martxan dago, eta ñabardura batzuk bukatzea besterik ez da falta lanak guztiz amaitzeko.
Udal eraikinetan jarritako hirugarren ate automatikoa kiroldegikoa. 2018an anbulatorioko sarrerakoa aldatu zuten, eta 2019an kultur etxekoa eta udal-liburutegikoa.
Manusa eta Fabri enpresek egin dituzte kiroldegiko lanak, eta 8.000 euro inguruko kostua izan dute.