Asteburu honetan ere badute arraunarekin hitzordua Orio Arraunketa Elkarteko kirolariek. Izan ere, arraunketa olinpikoko Euskadiko III. Konfrontazioa jokatuko da bihar, igandea, Legutioko (Araba) uretan. 09:50ean hasiko dira lehian –beteranoak dira aurrenak–, eta azken modalitatekoak 15:22an uretaratuko dira aurreikuspenen arabera.
Joxemari Olasagastik emandako datuen arabera, herriko 22 ontzik eta 80 arraunlarik hartuko dute parte biharko lehiaketan. Alegia, ia modalitate guztietan izango dira lehian oriotarrak.
