Orioko Udalak jakinarazi duenez, asfaltatze lanak egingo dituzte ostegunean eta ostiralean Estropalari kalean. Kale osoa asfaltatzeko asmoa dute, 18 zenbakia duen portaletik hasi eta 30.era arte, hortik hondartza-bideko bidegurutzeraino jarraitzeko.
Eguraldia lagun izanez gero, ostegun goizean hasiko dituzte lanak, eta ostiral arratsalderako bukatuta egongo direla aurreikusten dute.
Udalak ohartarazi du kale horretako aparkalekuek libre egon beharko dutela 08:00etatik 18:00etara bi egunetan. Horrez gain, zirkulazioa moztu egingo da. Lanek iraun bitartean ibilgailuak ahalik eta gutxien erabiltzeko eskatu die udalak bizilagunei.