Berrogei lagun inguru juntatu ziren atzo Arraunetxen, Testura taldeak emandako kontzertuan. Ander Mujikaren gidaritzapean, musikariek kutsu esperimental handia izan zuen emanaldia egin zuten, eta doinu instrumentalak eta elektronikoak izan ziren nagusi. Aldi berean, oholtzaren atzealdean ere proiekzioak egin zituzten; Maialen Belaustegik momentuan gardenkietan egindako tindaketak ikusteko aukera izan zuten emanaldian izan zirenek.