Maria Rivero abeslaria eta Tribu Banda Arraunetxeko oholtzara igoko dira apirilaren 30ean, 19:00etatik aurrera. Izan ere, Riverok Parentesiak disko berria argitaratu du aurten eta horren aurkezpena egingo du Orioko kontzertuan.
COVID-19ak sortutako egoera dela eta, ordea, aforoa mugatua izango da eta 70 lagunentzat tokia izango dela jakinarazi du Orioko Udalak. Hala, kontzertura joateko ezinbestekoa izango da sarrerak aldez aurretik erostea, eta bihar (astelehena) arratsaldean jarriko dituzte salgai kultur etxean, 2 euroren truke. Pertsona bakoitzak gehienez bi sarrera erosi ditzakeela gogoratu du udalak.