Realeko banderola eta kamiseta ugari ikus daitezke herrian, finalerako ordu gutxiren faltan

Egunak dira herritarrak balkoietan banderolak jartzen hasi zirenetik; nagusiki, Realekoak daude jarrita Orioko etxebizitzetan. Gaur, Errege Kopako finalaren egunean, asko dira herriko kale eta auzo desberdinetan ikus daitezkeen oihal txuri-urdinak. Horrez gain, jendea ere animatu da talde kuttunaren futboleko kamiseta janztera, eta goizeko lehen ordutik atzeman da final historikoa sortzen ari den giroa.