Orioko Bate Bizkorrak martxan dira berriro. Koronoabirusaren eraginez luzaroan izan dute geldirik liga, baina asteburuan berriz ekin zioten txapelketari. Hala, igandean indarrak neurtu zituzten iazko Ligako eta Kopako txapeldunarekin: Madrilgo Rivas taldearekin, hain zuzen ere.
Oriotarrek bi partida jokatu zituzten madrildarren aurka. Biak bosgarren sarreran bukatu ziren, OBBren aurkako 8-0 eta 10-0 emaitzekin.
Orioko taldeak azpimarratu duenez, harrobiko jokalariek estraineko partidak jokatu zituzten ligan; Aroa Farok, June Sanchezek, Sara Loidik, Maddi Orzaizek eta Maddi Vicentek egin zuten debuta.
Datorren igandean Valentzian izango dira OBBko jokalariak, bigarren jardunaldian Antorcharen aurka aritzeko.