Izurriteagatik denbora luzez zain egon eta gero, Orioko estropalariek aulki mugikorreko estropadak jokatuko dituzte igandean errioan. Goizeko bederatzietan emango zaie hasiera estropadei, goizeko zortzietan ordezkarien bilera egin eta gero. Enbarkazioak lerroz lerro jarrita arituko dira arraunean, elkarren kontra.
Antolatzaileek bi ibilbide gaituko dituzte estropadetarako. Kadeteak, jubenilak eta seniorrak 1.500 metroko estropada eremua izango dute; Marrota parean hasi eta herriraino egingo dute arraunean, lehia zubian bukatzeko. Infantilek eta beteranoek, aldiz, 1.000 metro egin beharko dituzte arraunean, eta estropadak Ortzaikara iritsi baino lehentxeago hasiko dituzte.