Orioko Udalak zazpi lanpostutarako lan-poltsak eratu nahi ditu, eta deialdia egin du, interesatuek parte hartzeko eskaerak aurkeztu ditzaten.
Honako hauek dira udalak eratu nahi dituen lan-poltsak:
- Administraria Orioko Udalerako.
- Orioko Udaleko obra eta zerbitzutako brigadaren arduraduna eta udal-kanpineko mantentze-lanen arduraduna.
- Garbitzailea Orioko udal-eraikinetarako eta udal-kanpinerako.
- Harreragilea Orioko turismo-bulegorako eta udal-kanpinerako.
- Ofizial balioaniztuna, elektrizitatean espezializatua, Orioko Udaleko obra eta zerbitzutako brigadarako nahiz udal-kanpinerako.
- Peoi balioaniztuna Orioko Udaleko obra eta zerbitzutako brigadarako nahiz udal-kanpinerako
- Orioko Udaleko udaltzaina.
Lan-poltsa horien oinarriak eta parte hartzeko eskaera-orria hemen deskargatu daitezke:
Eskaerak hamabost eguneko epean aurkeztu behar dira, iragarkiak Gipuzkoako Aldizkari Ofizialean argitaratu eta hurrengo egunetik kontatzen hasita. Udalak dagoeneko bidali ditu iragarkiak Gipuzkoako Aldizkari Ofizialera, baina oraindik ez dira argitaratu