Urrezko Harri Jasotze Txapelketako Eusko Label Saria jokatuko da larunbat arratsaldean Mallabian. Lau harri-jasotzailek parte hartuko dute norgehiagokan. Alde batetik, gizonezkoen mailan, Gorka Etxeberriak, Mikel Lopetegi Urra-k eta Jon Gisasola Zelai V.-ak zortzi arroako hiru harri mendean hartu beharko dituzte. Emakumezkoetan, bestalde, Karmele Gisasola Zelai III.-nak marka pertsonala egiten saiatuko da ehun kiloko zilindroarekin.
Txapelketa publikorik gabe izango da.