56 urteko emakume bat hil dute Sestaon (Bizkaia), eta Ertzaintza heriotza ikertzen ari den arren, hipotesi nagusia da hilketa indarkeria matxistaren ondorio izan dela.
Hori dela eta, azken hilketa matxista salatzeko elkarretaratzera deitu du Zarauzko Koordinadora Feministak. Hala adierazi dute deialdian: "Indarkeria matxistaren aurrean, autodefentsa feminista!". Biharko deitu dute protesta, 12:00ean Lege Zaharren Enparantzan, eta Orioko Xaltxerak talde feministak bat egin du Zarauzko deialdiarekin.