AECC Gipuzkoa erakundeak antolatuta, ibilaldi osasungarriak egingo dituzte aurrerantzean Orion. Joan den asteartean egin zuten lehen saioa, eta helburua da herritarrak kirola egitera animatzea.
Minbiziaren kontrako erakundeak azaldu duenez, martxoa amaitu arte egongo da martxan ekimena, asteartero, 10:00etan hasi eta 11:30ak arte, eta anbulatorio alboan elkartuko dira parte-hartzaileak.
Dohainik izango dira saioak, eta herritar guztiei daude zuzenduta. Informazio gehiago nahi duenak edo izena eman nahi duenak 943-13 32 36 telefono zenbakira deitu beharko du.