Orioko Udalak kalean abandonatuta dauden jabe jakinik gabeko bizikletak erretiratuko ditu, aste honetatik aurrera. Hasiera batean, "oso hondatuta eta egoera kaskarrean dauden bizikletak" erretiratuko dituzte.
Horren auretik, Udaltzaingoak zigilu bat jarriko die aurrena bizikletei eta, inork ez baditu erreklamatzen, handik zazpi egunetara hondakin gisa tratatuko ditu.
Kaleak txukuntzea eta bizikletalekuetan tokia libratzea da neurri horren helburua. Udalaren esanetan, bizikletaleku batzuk beteta izaten dira sarri eta, askotan, dagoeneko erabiltzen ez diren bizikleta hondatuak daude haietan amarratuta, tokia okupatzen.
Bizikletak bizikleteroetan
Bestalde, Udalak dei egiten die herriko bizikleta zaleei, ez uzteko beren bizikletak horretarako prestatuta dauden tokietatik kanpo. Adierazi dutenez, herritar batzuek ohitura dute bizikletak edozein tokitan amarratzeko (faroletan, barandetan, altzari urbanoetan…) eta Udalak gogorarazi nahi die "bizikletak bizikletalekuetan" lotu behar direla.
Sujerentzia eske
Udalak bizikletaleku gehiago jartzeko prestutasuna azaldu du, beharrezkoak badira, eta, horretarako, bizikleta zaleen proposamenak eta sujerentziak jasotzek prest agertu da. Bizikletaleku gehiago behar direla uste dutenek, beren proposamenak egin ditzakete udaletxeko harreran, non eta zenbat behar diren adieraziz.