Jon Gurrutxaga eta Urbil Artolak kontzertua emango dute Arraunetxen hilaren 29an, arratsaldeko zazpietatik aurrera. Orioko Udalak jakitera eman duenez, oraindik badaude sarrerak, eta kultur etxean eskuratu daitezke 2 euroren truke.
Jon Gurrutxagak Kateak diskoa atera zuen Gaztelupeko Hotsak zigiluarekin, eta gospelaren, bluesaren edota folkaren eragina nabarmena da haren abestietan. Zuzeneko emanaldietan, Jon Artola musikariarekin ari da oholtza elkarbanatzen.