'Mairu baratzetan'. Olatz Zugastik izen horrekin argitaratuko du hilaren 29an kantu berria, eta oraingoz behintzat, plataforma digitaletan bakarrik entzuteko aukera izango da —youtube, spotify...—.
Musikariak Urumeako Kronikari azaldu dionez, abestiarekin Aranora —aitonaren herrira— itzultzeko saiakera egin du, "mairu baratzetara joateko asmoz, eta handik, aurre-kondairatik berari dei egitera". Bidean, "oroitzapenek harrapatu" dute Zugasti. Kantu batean bildu ditu "soinuak, usainak, menditar eta hiritarren arteko harremana...". Abeslariaren hitzetan, abesti batean juntatu ditu, eta bat eginda utzi, antzinako garaiak eta gaurkotasuna.
Aurreratu duen esaldi batek hau dio: Oihu egingo dut mairu baratzetan, entzuidazu berriro, zure oihartzun hunkituak bil nazan matekiro.