Ahalduntze Eskolako kideek azaldu dutenez, azkenaldian hainbat kontsulta jaso dituzte Apal Moreko liburuen inguruan. Horregatik, egokia iruditu zaie bertan bildu dituzten liburuen aurkezpena egitea, herritarrek eskura dituzten liburuak ezagutu eta, era berean, Ahalduntze Eskolako arduradunek irakurleen proposamenak jaso ditzaten.
Urtarrilaren 25ean eta 27an egingo dituzte aurkezpenak, 18:00etan, liburutegian. Lehen egunean euskaraz izango da eta bigarren egunean gaztelaniaz. Hala, parte hartu nahi dutenek aldez aurretik izena eman beharko dute lotura honetan.