Gaur arratsaldeko 16:00etan jartzekoak dira salgai Xabi Solanoren kontzerturako sarrerak, eta bi orduren faltan, jada, ilara luzea osatu dute herritarrek. 14:30ean ateratakoa da argazkia, ordurako frontoi pareraino zegoen ilara.
Edukiera mugagatik beharbada, sarrerak azkar amaitu dira azken ekitaldietan eta herritarrek hori ikusita, bi ordu lehenago kultur etxeko atera parera etortzea erabaki dute. Izan ere, abendu amaierako emanaldi honetan ere, gehienez 220 lagunentzako tokia egongo da, eta Udalak herritarrei esan die bizkor ibiltzeko sarrerak hartzen.