Espainiako Auzitegi Gorenak astelehenean erabaki zuen berriro egitea Bateragune auziko epaiketa. Erabaki horren aurrean, mobilizatzera deitu dituzte herritarrak alderdi politiko, sindikatu eta eragile sozial ugarik, Demokrazia lelopean. Hala, elkarretaratzea egingo dute Orion, larunbatean, 12:00etan, udaletxe aurrean.
Honako hauek dira deialdia egin duten eragileak: ELA, LAB, Steilas, ESK, Ahal Dugu, Ezker Anitza, EH Bildu, Nafarroako Ezker Batua, EH Bai, Gure Esku, Emakumeon Mundu Martxa, Bilgune Feminista, Sare eta Etxerat. Espainiako Auzitegi Gorenak hartu duen erabakia "oinarrizko eskubide demokratikoen aurkako erasoa" dela ulertzen dute.