Espainiako Gobernuaren 2021eko aurrekontu-batzordeak hogei zuzenketa inguru onartu ditu azken bilkuran. Tartean, Orioko Motondoko hezegunearena eta Oribarzar-Txurruka eremuarena.
EH Bilduk aurkeztutako hiru zuzenketetako bat izan da Orioko bi eremuak biltzen dituena, PSOE zein Unidas-Podemosen babesarekin. Batzordeak onartu duen zuzenketa honen ondorioz, 3.000.000 euro bideratuko dira Orioko Motondoko hezegunea berreskuratzeko eta Oribarzar-Txurruka eremuko lanetarako.