Eguraldi lainotua, hego haize lehorra eta kaleak triste antzera. Halaxe pasa da goiza herriko kaleetan, tabernak eta jatetxeak itxi dituzten aurreneko egunean. Hala ere, jendea ibili da denda eta komertzioetan eguerdira bitartean, eta botikan, adibidez, ilara luzeak izan dira.
Tabernak eta jatetxeak itxita egonda, udaberriko itxialdiaren osteko aurreneko egunetako giroaren tankera izan du herriak gune batzuetan. Dena den, establezimendu batzuetan lanean aritu dira goizean zehar, bezeroei etxera eramateko janaria prestatzen.