Martxotik, koronabirusaren pandemia zabaldu zenetik, itxita egon da KZgunea, baina berriro zabaldu ditu ateak, osasun neurriak errespetatuz. Hala, guztira, lau ordenagailu egongo dira erabilgarri, eta erabiltzaile bakoitzak ordubete pasatu ahal izango ditu gehienez; gainera, herritarrek hitzordua eskatu beharko dute aldez aurretik, 943 13 44 09 telefono zenbakira deituta.
KZgunea kultur etxean dago, bigarren solairuan, eta kultur etxearen ordutegiaren barruan erabili ahal izango da: 09:00etatik 13:00etara eta 16:00etatik 19:30era.