Orioko Ahalduntze Eskolak jakinarazi duenez, Gehitu elkarteko kide Zaira Garcia Dafontek hitzaldia emango du Orion urriaren 29an, osteguna. Bizikidetza aniztasunean. LGTBI+ populazioaren errealitateen diagnostikoa Gipuzkoan ikerketa zuzendu zuen Garciak 2018an, eta azterketa horretatik erdietsitako ondorioak aurkeztuko ditu Orioko Kultur Etxeko areto nagusian.
18:30ean hasiko da saioa, eta Orioko Ahalduntze Eskolaren esanetan, bertaratzeko asmoa dutenek lekua gorde dezakete jada. Horretarako, ahalduntzeeskola@orio.eus helbidera mezu bat bidaltzeko edo 623 178 553 telefono zenbakira deitzeko aukera dute.