Irailaren 25ean eta 26an egin zen Orion Zaporeak elkarteak bultzatutako Lesboseko errefuxiatuentzako janari-bilketa. Herriko boluntario talde bat aritu zen guztia antolatzen, eta adierazi dutenez, "arrakastatsua" izan da bilketa. Hona hemen Orion jaso zen janaria:
- Atuna. 63 kg
- Olioa. 481 litro
- Pasta: 247 kg
- Arroza: 327 kg
- Lentejak: 326 kg
- Garbantzuak: 235 kg
- Babarrunak: 132 kg
Horrez gain, bildu ziren potitoak, esne-hautsa, tomatea, sardinak, barra energetikoak kontserbak, gailetak, espezieak eta pardelak, besteak beste.
Bestalde, boluntario-taldeak adierazi du dirutan ere jaso zutela laguntza eta gazte-talde batek diru-ekarpen handia lortu zuela Bizum bitartez eta horrekin janari asko erosi zutela gero.
Boluntario taldeak eskerrak eman dizkie herritarrei ekimenari egin zioten harrera bikainagatik.