Orion Gipuzkoako 'SUP race' txapelketa egingo dela aprobetxatuz, Emakumea Surflari taldeak arraun surf ikastaroa antolatu du larunbaterako, kirola probatu nahi duten emakume guztientzat.
Saioak ordu eta erdiko iraupena eta 10 euroko prezioa izango ditu. Antolakuntzak adierazi duenez, haiek lagako dizkiete surf taulak eta arraunak parte hartzaileei, baina komeni da norberak bere neoprenozko jantzia eramatea. Arraunetxeko aldagelak erabilgarri egongo dira.
Izen ematea Emakume Surflariren webgunean egin behar da.