Urriaren 3an, larunbata, arraun-surf txapelketa izango da Orioko errioan, Gipuzkoako Surf Federazioak antolatuta. Laugarrenez egingo dute norgehiagoka Orion, federazioak aurten prestatu duen egutegiaren abiapuntu modura.
Aurten, nagusiki, Arraunetxek emango dio lekua arraun-surf txapelketari. Marea dela eta, arratsaldez izango dira lasterketak, 14:00etan hasita. 18:00etan izango da sari banaketa. Arraunetxen hasiko dira lasterketa guztiak, eta izen-ematea ere han izango da.
Bestalde, FederArte Surfing Kultura jaialdien zirkuituaren barruan, egun osoko festa ere izango da Orion egun horretan. 15:30etik aurrera, esaterako, FedeArte Market azoka izango da martxan Arraunetxen, eta 18:30ean, kontzertuak hasiko dira. Hain zuzen, Lemy River, Voodoo Charms eta Convoi taldeak ariko dira zuzenean.