Koronabirusaren azken egunetako datu kezkagarriek bultzatuta, Eusko Jaurlaritzak atzo gomendatu zuen, besteak beste, udalekuak eteteko. Hori dela eta, bertan behera utzi dute Orioko Udalak eta Txurrumuski aisialdi taldeak Udan Elkar Zaintzen haurrentzako programa. Bihartik aurrera, ez da zerbitzurik emango.
Udalak plazaratu duen oharrean azaldu du dirua itzuliko dietela familiei, uztaileko azken hamabostaldiko eta abuztuko zerbitzua emango ez dutelako. Gaineratu dute programan parte hartzen ari diren haurrek, gurasoek zein ingurukoek Osakidetzarekin harremanetan jarri behar dutela lehenbailehen sintomarik izanez gero.
Galderak eta zalantzak argitzeko Txurrumuskiren helbide elektronikora (txurrumuski@txurrumuski.org) idatzi daiteke, edo 688 66 03 81 telefono zenbakira deitu.