Do Re Ni elkarteak bilera irekia deitu du ostegunerako, martxan jarriko duen ikerketa azaltzeko

Karkara

Segurtasun neurriak mantendu eta aforoa kontrolatzeko, egun berean bi bilera deitu ditu Do Re Ni elkarteak, biak Salatxo elkartean; bata 18:00etan eta bestea 19:00etan.

Uztailaren 9an, Do re ni elkarteak 55 urtetik gorako herritarrak bilerara azaltzeko deitu du. Xabier Lizaso musikari oriotarrak zuzentzen du elkartea, eta ikerketa zientifiko bat egitekotan dira, musikak zahartze aktiboan daukan edo eduki dezakeen eragina modu fidagarrian neurtzeko. Iaztik dator egitasmoa, baina aldaketa batzuk izan ditu gaitzak sortutako egoeragatik, eta aldaketa horiek komunikatzeko deitzen du bilera elkarteak.

Jakinarazi dutenez, honako pertsona hauek egongo dira xehetasunak emateko bileran:

  • Jose Manuel Lopez Brabada (Osakidetza)
  • Xabier Lizaso (Do re ni)
  • Pablo Ramos (eszena zuzendaria)
  • Asier Sota (aktorea eta antzerki zuzendaria)
  • Anuska Esnal (Orioko alkatea)

Gaurko ametsak biharko albiste izan daitezen, beharrezkoa dugu zure babesa.


Egin bazkide