Bizikletak garbitzeko gune bat sortu du Orioko Udalak autopista azpian

Karkara

Bizikletak garbitzeko gunean, mangera bat eta gurpilak betetzeko puzgailu bat daude, edozeinek erabiltzeko.

Orioko Udalak bizikletak garbitzeko gunea jarri du, autokarabana-gunearen ondoan, autobide azpian eta hondartzako errotondaren ondoan. Bertan bizikletak garbitzeko mangera bat eta gurpilak betetzeko puzgailu bat daude, edozeinek erabiltzeko. Gunea erabilera librekoa izango da eta, beraz, doan erabili dezakete herriko nahiz kanpoko bizikleta zaleek, hurrengo arauak beteta:

  • Gunearen erabilera egokia egin (ez erabili jolasteko, dutxatzeko…)
  • Ura ez alferrik gastatu
  • Behin gunea erabiltzen bukatu eta gero, utzi dena txukun eta erabilgarri hurrengoarentzat
  • Garbiketa-lanak bukatutakoan, itxi ondo uraren giltza

Gaurko ametsak biharko albiste izan daitezen, beharrezkoa dugu zure babesa.


Egin bazkide