Atzoko etenaren ostean, koronabirus kasu berriak atzeman dituzte Orion azken orduetan; hiru, hain zuzen ere. Eusko Jaurlaritzako Sailburu Nekane Murgak zehaztu duenez, lotura zuzena dute herrian asteburuan detektatzen hasi ziren kasuekin. Gainera, Murgaren esanetan, ikerketa abiatu dute Gipuzkoan atzemandako beste hiru kasuk Oriokoekin izan dezaketen lotura argitzeko.
Denera, hamaika lagun jo ditu COVID-19ak herrian azken egunetan.