Bi koronabirus kasu berri atzeman dituzte Orion azken orduetan. Eusko Jaurlaritzako Osasun sailburu Nekane Murgak goizean adierazi duenez, kasu berri horiek asteburuan atzemandakoekin lotura zuzena dute, eta kontrolatuta dituzte.
Osasasun sailak hainbat pertsona isolatu zituen, asteburuan positibo eman zuten bost lagunekin harreman zuzena zuten ahaideak eta lankideak, hain zuzen ere. Bakartuta zeuden pertsona horien artean detektatu dituzte azken bi kasu berriak. Denera, azken lau egunetan zortzi lagun jo ditu gaitzak herrian.