Orioko Udalak oharra eman du argitara, Nekane Murga Eusko Jaurlaritzako Osasun sailburuak agerraldia egin eta gutxira. Lasaitasunerako mezua helarazi nahi izan die nagusiki Udalak herritarrei: batetik, asteburuko bost positiboak direla eta, protokolo guztiak aplikatu dituztelako; bestetik, positiboa eman duten pertsonen inguruko jendeari 50 PCR proba egin dizkietelako, eta ez dutelako kasu berririk atzeman oraingoz.
Udalak adierazi du positiboa eman duten 5 lagunak isolatuta daudela herritik kanpo, Osasun Sailak horretarako sortu dituen baliabideetako batean.