Plaza inguruan egiten ari diren lanak direla eta, herriko ohiko sarrera, Txistulari kalekoa, itxita egongo da bihar, asteazkenarekin. Orioko Udalak jakinarazi du langileek 08:00etan itxiko dutela Txistulari kaleko sarrera eta itxita egongo dela lanak bukatu arte. Aurreikusten dute lanek goiz osoa hartzea, eta arratsaldean bidea ireki ahal izatea. "Nolanahi ere, ez da segurua arratsaldez irekitzea, lanen martxak erakutsiko duelako hori posible den", zehaztu du Orioko Udalak. Hala, Txistulari kaleko sarrera itxita dagoen bitartean, ibilgailuek Txanka-Hondartzako bidea erabili beharko dute.
Herritik ateratzeko ez dago aldaketarik eta Ibai Ondo pasealekuan barrena joango dira ibilgailuak, beti bezala.