Denboraldian zehar egin duen lana dela eta, Imanol Alguacil Realeko entrenatzaile oriotarrak Johan Cruyff 2020 saria jaso du. Zehazki, COPE taldeko Tiempo de Fuego programak eta Johan Cruyff taldeak elkarlanean emandako saria da hori, eta aurtengoarekin, laugarren aldia izango da mundu mailako entrenatzaileen lana goraipatzeko saria ematen hasi zirenetik.
Oriotarraren hitzetan, "oso hunkigarria" izan da bere lana Johan Cruyff bezalako jokalari baten izenarekin lotzea, eta saria Realeko talde osoari eskaini nahi izan dio.