Ohiko ordutegira itzuliko da bihar Correoseko bulegoa: astelehenetik larunbatera 09:30etik 13:00etara egongo da zabalik, eta ostegun arratsaldeetan, berriz, 18:00etatik 20:00etara emango du zerbitzua. Inguruko herrietako bulegoetan ere ohiko ordutegiak berreskuratuko ditu; Zarautzen, beraz, arratsaldez ere irekita egongo da 16:30etik 20:00etara.
Erakundeak adierazi duenez, ordutegiak zabaltzearen erabakia hartu du uztailaren 12an egingo diren Eusko Legebiltzarrerako hauteskundeetan posta bidezko botoa ematea errazteko. Gainera, Arabako, Bizkaiko eta Gipuzkoako hainbat bulegotan leihatila bereziak ere ezarriko dituzte posta bidezko botoa emateko.