Orioko Ahalduntze Eskolak Silvia Carrizoren hitzaldia antolatu du, gaur arratsalderako. Carrizo Malen Etxea elkarteko kidea da, eta osasun krisiak emakume migranteen eguneroko bizitzan izan duen eraginaz arituko da hizketan.
Hitzaldia telematikoa izango da, eta orio.eus webgunean emango dute. Ikusleek Carrizori galderak egiteko aukera ere izango dute txat bidez. 18:00etan emango diote hasiera saioari.