Orioko Udalak jakinarazi du aurreskolan matrikulatzeko epea datorren maiatzaren 21ean zabalduko dela eta irekita egongo dela ekainaren 8ra arte.
COVID-19a dela-eta bizi dugun egoerak eraginda, bi modutara egin ahal izango da matrikulazioa aurten: On-line (www.haurreskolak.eus) webgunearen bidez, eta ekainaren 1etik 8ra Haurreskolara bertara joanda.
Udaletik zehaztu dute matrikulatzeko haurrak jaiota egon behar duela, eta orain matrikulatzen diren haurrak irailetik abendura bitartean hasiko dira Haurreskolan.
Matrikula egiteko edota zalantzak argitzeko, harremanetan jarri behar da Haurreskolarekin, 943 890 625 telefonora deituta edota mariamaestra.orio@haurreskolak.eus helbidera idatzita.
Koronabirusak sortutako osasun larrialdi egoera dela eta, Haurreskolak aurten ez du izan ate irekietako eguna antolatzeko modurik eta, beraz, bertako hezitzaileek bideo bat prestatu dute, bertan egiten duten lanaren berri emateko eta gurasoei instalazioak erakusteko. Hemen ikusi dezakezue bideo hori: